ᖃᕆᑕᐅᔭᒃᑯᑦ ᓇᓗᓇᐃᒃᑯᑕᖅ: ᓴᐳᒻᒥᒋᐊᕐᓗᒋᑦ ᐱᔪᓐᓇᐅᑎᑎᑦ | CRTC
ᖃᕆᑕᐅᔭᒃᑯᑦ ᓇᓗᓇᐃᒃᑯᑕᖅ: ᓴᐳᒻᒥᒋᐊᕐᓗᒋᑦ ᐱᔪᓐᓇᐅᑎᑎᑦ
ᖃᕆᑕᐅᔭᒃᑯᑦ ᒪᓕᒐᖅ ᐃᑲᔪᕈᑎᖃᓲᖅ ᓴᐳᒻᒥᒋᐊᖅᑐᓂ ᐃᑭᐊᖅᑭᕕᒃᑰᕈᑎᒥ ᐊᑭᓕᖅᑐᐃᖃᑦᑕᖅᑐᓂᑦ ᓇᓗᓇᐃᖅᓯᒍᑎᖃᑦᓯᐊᓂᒃᑯᑦ ᑐᑭᓯᓇᑦᓯᐊᖅᑐᓂᒃ ᑐᑭᓯᒋᐊᕈᑎᑦᓴᓂᒃ ᐊᒻᒪᓗ ᑐᑭᓯᓇᑦᓯᐊᖅᑐᓂᒃ ᑳᓐᑐᕌᒃᑖᖅᑎᑕᐅᑎᑦᓯᓂᒃᑯᑦ ᐃᓕᒃᑭᒃ ᐱᔪᓐᓇᐅᑎᒋᔭᑎᑦ ᐊᒻᒪᓗ ᖃᓄᐃᓕᐅᕈᓐᓇᕐᒪᖔᖅᐱᑦ ᐊᑲᐅᙱᓕᐅᕈᑎᖃᓕᕐᓂᕈᕕᑦ ᐃᑭᐊᖅᑭᕕᒃᑰᕈᓐᓇᐅᑎᑦᓯᔨᒋᔭᕐᓂᑦ.
ᐃᑭᐊᖅᑭᕕᒃᑰᕈᓇᐅᑎᖃᖅᑎᑦᓯᔩᑦ ᒪᓕᒋᐊᖃᖅᑐᑦ ᐃᑭᐊᖅᑭᕕᒃᑰᕈᑎᐅᑉ ᒪᓕᒐᖓᓂ
ᐅᑯᐊ ᐃᑭᐊᖅᑭᕕᒃᑰᕈᓇᐅᑎᖃᖅᑎᑦᓯᔩᑦ (ISPs) ᐊᒻᒪᓗ ᐊᑦᑐᐊᓂᖃᖅᑐᑦ ᐃᑭᐊᖅᑭᕕᒃᑰᕈᓐᓇᐅᑎᓄᑦ ᓇᓗᓇᐃᒃᑯᑕᖏᑦ ᐊᒻᒪᓗ ᐃᓚᒋᔭᐅᔪᑦ ᒪᓕᒋᐊᖃᖅᑐᑦ ᐃᑭᐊᖅᑭᕕᒃᑰᕈᓐᓇᐅᑎᐅᑉ ᒪᓕᒐᖓᓂᒃ:
- ᐱᐅᓪ ᑲᓇᑕ (Bell Canada)
- ᑯᒋᑯ ᑲᓇᒃᓯᐊᓐ Inc. (Cogeco Connexion Inc.)
- ᐃᐊᔅᑦᓕᓐᒃ (Eastlink)
- ᓄᐊᑦᐅᐊᔅᑎᐅᓪ (Northwestel)
- ᕌᔾᔪᔅ (Rogers)
- ᓵᔅᒃ ᐅᖄᓚᐅᑎᒃᑯᑦ (SaskTel)
- ᑎᐊᓚᔅ (TELUS)
- ᕕᑎᐅᑐᕌᓐ (Videotron)
- ᐊᒃᔅᐳᓗᐊ (Xplore)
ᑐᕌᖓᒐᓗᐊᖅᑎᓪᓗᒍ ᐊᖏᓂᖅᐸᐅᔪᓄᑦ ᐃᑭᐊᖅᑭᕕᒃᑰᕈᓇᐅᑎᖃᖅᑎᑦᓯᔨᓄᑦ, CRTC ᓂᕆᐅᑉᐳᑦ ᐃᓘᓐᓇᑎᑦ ᐃᑭᐊᖅᑭᕕᒃᑰᕈᓇᐅᑎᖃᖅᑎᑦᓯᔩᑦ ᒪᓕᒋᐊᖃᓂᖏᓐᓂᒃ ᒪᓕᒐᕐᒥᒃ.
ᑲᒥᓴᓇᐃᑦ ᐅᓐᓂᕐᓘᑕᐅᔪᓄᑦ ᑕᓚᕖᓴᒃᑯᑦ ᐱᔨᑦᓯᕋᐅᑎᓄᑦ (CCTS) ᐊᐅᓚᑦᓯᕙᑦᑐᑦ ᒪᓕᒐᕐᓂᒃ. ᑕᒪᓐᓇ ᐃᑭᐊᖅᑭᕕᒃᑰᕈᓇᐅᑎᖃᖅᑎᑦᓯᔨᐅᔪᓂᑦ, ᖄᒃᑲᓐᓂᐊᒍᑦ ᒪᓕᒋᐊᓕᖏᑦᑕ ᐃᑭᐊᖅᑭᕕᒃᑰᕈᓇᐅᑎᖃᖅᑎᑦᓯᔨᓄᑦ ᑳᓐᑐᕌᖏᓐᓂᒃ, ᒪᓕᑦᓯᐊᖁᓪᓗᒋᑦ ᐊᓯᖏᓐᓂᒃ ᒥᑭᓛᖑᔪᓂᒃ ᒪᓕᑦᑕᐅᔭᕆᐊᖃᖅᑐᓂᒃ ᐱᑕᖃᕆᐊᖃᖅᑐᕆᔭᐅᔪᓂᑦ ᑲᒥᓴᓇᒧᑦ.
ᐱᔪᓐᓇᐅᑎᑎᑦ ᐃᑭᐊᖅᑭᕕᒃᑰᕈᓐᓇᐅᑎᐅᑉ ᒪᓕᒐᖏᑕ ᐊᑖᓂ
ᑐᑭᓯᓇᑦᓯᐊᖅᑐᑦ ᑳᓐᑐᕌᑦ
- ᑳᓐᑐᕌᒃᑖᖅᑎᑕᐅᒋᐊᖃᖅᑐᑎᑦ ᑐᑭᓯᓇᑦᓯᐊᖅᑐᒥᒃ.
- ᑎᑎᕋᖅᓯᒪᔪᓂᒃ ᑐᑭᓯᒋᐊᕈᑎᒃᓴᓂᒃ ᐱᑎᑕᐅᕙᓪᓗᑎᑦ ᐊᑐᐊᒐᓕᐊᖑᓯᒪᔪᓂᑦ ᐅᖄᓚᓂᐅᔪᓄᑦ, ᖃᒥᖃᑦᑕᕐᓂᐅᔪᓄᑦ, ᓇᓪᓕᐅᒃᑯᒫᓄᑦ ᑐᖅᑯᐃᒋᐊᖃᕈᑎᖏᓐᓄᑦ ᐊᒻᒪᓗ ᑭᐱᑦᑕᕐᓂᐅᔪᓄᑦ.
ᑐᑭᓯᓇᑦᓯᐊᖅᑐᑦ ᐊᑭᖏᑕ ᒥᑦᓵᓅᖓᔪᑦ
- ᑐᑭᓯᓇᑦᓯᐊᖅᑐᓂᒃ ᑐᑭᓯᒋᐊᕈᑎᑦᓴᓂᒃ ᐱᑎᑕᐅᕙᓪᓗᑎᑦ ᐊᑭᖏᑕ ᒥᑦᓵᓄᑦ, ᑲᑎᙵᔪᓂᒃ, ᐱᔫᒥᓵᕈᑎᓂᒃ ᐊᒻᒪᓗ ᑭᓪᓕᖃᖅᑎᑕᐅᓯᒪᔪᓂᒃ ᐊᑭᑭᓪᓕᒋᐊᕈᑎᓂᒃ.
- ᐃᑭᐊᖅᑭᕕᒃᑰᕈᓇᐅᑎᖃᖅᑎᑦᓯᔨᒋᔭᐃᑦ ᓇᓗᓇᐃᖅᓯᑦᑎᐊᕆᐊᖃᖅᑐᖅ ᑳᓐᑐᕌᒃᓯ ᒪᓕᒐᓪᓗᐊᑕᖏᓐᓂᒃ ᐊᖏᕈᑎᒋᓕᕈᕕᐅᒃ.
ᐊᑭᓕᑦᓴᓄᑦ ᖁᐊᖅᓵᑎᑦᓯᑦᑕᐃᓕᒍᑎ
- ᖃᐅᔨᒃᑲᖅᑕᐅᕙᑦᑐᑎᑦ ᖃᓂᓪᓕᒐᐃᒐᕕᑦ ᐅᕝᕙᓘᓐᓃᑦ ᑎᑭᐅᑎᒐᐃᒐᕕᑦ ᐃᑭᐊᖅᑭᕕᒃᑰᕈᓐᓇᐅᑎᓂ ᑎᑭᐅᑎᓕᕈᕕᑦ ᑭᓪᓕᖏᓐᓄᑦ.
ᐊᓯᔾᔨᖅᑕᕈᓐᓇᕐᓂᖅ ᓇᓖᕌᕐᕕᒋᓗᒍᓗ
- ᑳᓐᑐᕌᒃ ᒪᓕᙱᑉᐸᑦ ᒪᓂᒻᒥᒍᑕᐅᓯᒪᔪᓂ, ᓄᖅᑲᖅᑎᑦᓯᒍᓐᓇᖅᑐᑎᑦ ᐅᓪᓗᐃᑦ 45 ᐃᓗᐊᓂ ᐊᑭᓖᙱᓪᓗᑎᑦ ᐊᑭᓕᕋᑦᓴᖏᓐᓂᑦ.
- ᑳᓐᑐᕌᒃᓯ ᐱᖃᓯᐅᔾᔨᓯᑉᐸᑦ ᓄᖅᑲᖅᑎᑕᐅᑦᓴᐅᑎᒋᓂᕐᒧᑦ ᐊᑭᓕᕆᐊᓕᒻᒥᒃ, ᐆᑦᑐᕋᐅᑎᖃᕈᓐᓇᖅᑐᓯ ᐅᓪᓗᓄᑦ 15-ᓄᑦ.
- ᓄᖅᑲᖅᑎᑕᐅᑦᓴᐅᑎᒋᓂᕐᒧᑦ ᐊᑭᓕᕆᐊᓖᑦ ᐊᑐᕈᓐᓇᖅᑎᑕᐅᔪᑐᐊᑦ ᑕᖅᑭᓄᑦ 24-ᓄᑦ.
ᐱᓇᐃᓗᑕᖃᕈᕕᑦ ᐃᑭᐊᖅᑭᕕᒃᑰᕈᓐᓇᐅᑎᖃᖅᑎᑦᓯᔨᓐᓂ
ᐱᑐᑦᓯᒪᔪᓪᓗᐊᑕᖏᑦ