Satsǫ̀ wet’à ełets’ǫ̀ gots’ede nı̨htł’è: Ayı̀ı nets’ǫ sı̀ı wek’èhòdı̀ | CRTC

Satsǫ̀ wet’à ełets’ǫ̀ gots’ede nı̨htł’è: Ayı̀ı nets’ǫ sı̀ı wek’èhòdı̀

Dı̀ı ayı̀ı nets’ǫ sı̀ı wek’èhòdı̀ nı̨htł’è wet’à ası̀ı hazhǫ nets’ǫ ne sı̀ı wexòedı wet’à negondı hazhǫ eyıts’ǫ nets’ǫ nı̨htł’è wek’èhòdı̀. Ayı̀ı nets’ǫ ne sı̀ı wexòedı̀ eyıts’ǫ nets’ǫ satsǫ̀ wet’à ełets’ǫ̀ gots’ede nezı̨ etłe-le dè dı̀ı hanele ha dı̀le.

Amı̀ı seè satsǫ̀ wet’à ełets’ǫ̀ gots’ede gogha yehɂǫ sı̀ı eyı̀ı nàowo ghà eghàlada ha

Dı̀ı ı̨da satsǫ̀ wet’à ełets’ǫ̀ gots’ede sı̀ı (ISPs) eyıts’ǫ gıts’ǫ satsǫ̀ goht’ǫ eyıts’ǫ wexè eghàlagı̀dedǫ sı̀ı dı̀ı nàowo k’è eghàlagı̀de ha:

Bell Canada
Cogeco Connexıon Inc.
Eastlınk
Northwestel
Rogers
SaskTel
TELUS
Vıdeotron
Xplore

Dı̀ı ISPs nechà sı̀ı wexè neè hò, CRTC hazhǫ ISPs dı̀ı nàowo k’è eghàlagı̀de ha.

Telcom-televısıon Servıces weghǫ esagedı ha dè (CCTS) t’a wenı̨htł’è segele ha. Dı̀ı wet’à gıts’ǫ ISPs, eyı̀ı wexè gıts’ǫ satsǫ̀ wet’à eghàlagı̀de sı̀ı nàowo edàawhı̀t’ı̨ t’àget’ı̨ haı̨̀le sı̀ı wexǫgıhdı ha, eyıxè nàowo hazhǫ dı̀ı nàowo gha k’àode hagedı ghà.

Dı̀ı satsǫ̀ wet’à ełets’ǫ̀ gots’ede k’è nàowo edàawhı̀t’ı̨ ghà nexòedı

Wegondı dezhı̀lèa k’è àtł’è

Gıxè nı̨h̨tł’è whenehtsı̨ dè, nı̨htł’è dezhı̀lèa k’è àtł’è ha.
Wenàowo gha nı̨htł’è nets’ǫ̀ adle ha edàanı̀ nets’adı ha, etłe-le ajà dè, sǫǫ̀mba fǫ̨̀ wek’e nèts’eɂà eyıts’ǫ wedàede gha sı̀ı.

Edàehtı̀ sı̀ı deghà hagedı ha

Dı̀ı hanı̀ naxı̀ts’ǫ̀ hagedı ha, edàehtı̀, ası̀ı ełexè whela, ası̀ı gha nàdagehdè eyıts’ǫ sı̨̀yaı̨̀wa ts’ǫ̀ ası̀ı detı̀lèa sı̀ı weghǫ hanexegedı ha.
Nets’ǫ ISPs deghà ayı̀ı ne dek’ètł’è xè edàawha ts’ǫ̀ dı̀ı nı̨htł’è whęhtsı̨ deghà nets’ǫ̀ hagedı ha.

Hǫtsaa weghǫ enèts’ıhshà wexòedı

Nets’ǫ satsǫ̀ wet’à ełets’ǫ̀ gots’ede welaxòewı ha ts’ǫ̀ dè, nets’ǫ̀ hagedı ha.

Negha hòɂǫ eyıts’ǫ ayı̀ı newǫ sı̀ı kaɂa gohłı̨

Nets’ǫ nı̨htł’è negha nezı̨-le dè, deèɂǫ̀ naı̨̀dı kwe, dı̀ı wedę anele ha dè 45 dzęę̀ ts’ǫ̀ negha hoɂǫ.
Nets’ǫ nı̨htł’è ı̨whą wedę anele ha dı̀le gohłı̨ dè, 15 dzęę̀ ts’ǫ̀ negha hoɂǫ.
Dzęę̀ kwe wedę anele ha dı̀le hanı̀kò 24 sa zǫ ts’ǫ̀ negha hoɂǫ.

Nets’ǫ ISP nezı̨ ełtle-le

Nı̨htł’è 1: Nets’ǫ satsǫ̀ wet’à ełets’ǫ̀ gots’ede wets’ǫ ne sı̀ı wexè senele ha wı̨ı̨̀hdzà.
Nı̨htł’è 2: Hanı̀ nı̨dè,CCTS dı̀ı weghǫ gıts’ǫ̀ haı̨̀dı.